പടിയൂർ ഒലിയപുരത്ത് കാട് പിടിച്ചു കിടക്കുന്ന സ്ഥലത്ത് പണം വച്ച് ചീട്ടു കളിച്ചിരുന്ന 10 പേരെയാണ് കാട്ടൂർ പോലീസ് അറസ്റ്റ് ചെയ്തത്.കുറച്ചു നാളായി അവിടെ വൻ സംഘം ചീട്ടുകളി നടത്തുന്നതായി പോലീസിന് വിവരം ലഭിച്ചിരുന്നു. ചതുപ്പും കുറ്റിക്കാടുകളും തോടുകളും നിറഞ്ഞ ഈ സ്ഥലത്തിൻ്റെ ഭൂമിശാസ്ത്രപരമായ പ്രത്യേകത കാരണം പോലീസിന് എത്തിപ്പെടാൻ കഴിയാത്ത സാഹചര്യമായിരുന്നു എങ്കിലും നാല്ഭാഗത്ത് നിന്നും സ്ഥലം വളഞ്ഞാണ് പോലീസ് അവിടെയെത്തിയത്. രഹസ്യ വിവരത്തെ തുടർന്ന് ഇൻസ്‌പെക്ടർ പി പി ജസ്റ്റിൻ്റെ നേതൃത്വത്തിൽ എസ് എ സുജിത്ത്, എസ് ഐ രമ്യ കാർത്തികേയൻ, എസ് ഐ ശ്രീജിത്ത്‌, എസ് സി പി ഓമാരായ ബിന്നാൽ, ജോയ്മോൻ, ശബരികൃഷ്ണൻ എന്നിവർ ചേർന്നാണ് സംഘത്തെ പിടികൂടിയത്.. ഓടിപ്പോകാൻ ശ്രമിചെങ്കിലും ഇവരെ തന്ത്ര പൂർവ്വം വളഞ്ഞാണ് പോലീസ് പിടി കൂടിയത്.ഇവരിൽ നിന്നും 60000ത്തോളം രൂപയും പിടികൂടിയിട്ടുണ്ട്
പടിയൂരിൽ നിന്ന് കാട്ടൂർ പോലീസ് ചീട്ടു കളി സംഘത്തെ പിടികൂടി.