ക്രൈസ്റ്റ് വിദ്യാനികേതൻ വാർഷികാഘോഷം 2026

ക്രൈസ്റ്റ് വിദ്യാനികേതൻ ഇരുപത്തിനാലാം വാർഷികം ‘നോവേര’ വർണ്ണാഭമായ കലാവിരുന്നോടെ ആഘോഷിച്ചു. ക്രൈസ്റ്റ് വിദ്യാനികേതൻ ഇൻഡോർ സ്റ്റേഡിയത്തിൽ വച്ച് നടന്ന വാർഷിക സമ്മേളനം ഇരിഞ്ഞാലക്കുട മുൻസിപ്പൽ ചെയർമാൻ ശ്രീ എം പി ജാക്സൺ ഉദ്ഘാടനം ചെയ്തു. ക്രൈസ്റ്റ് വിദ്യാനികേതൻ മാനേജർ റവ.ഫാദർ ജോയ് പീണിക്കപറമ്പിൽ സി എം ഐ അധ്യക്ഷത വഹിച്ച സമ്മേളനത്തിൽ പ്രിൻസിപ്പൽ റവ ഫാദർ ജോയ് ആലപ്പാട്ട് സി എം ഐ സ്വാഗതം ആശംസിച്ചു. വാർഡ് കൗൺസിലർ ശ്രീമതി സുരഭി വിനോദ്, പി.റ്റി.ഡബ്ളിയു.എ പ്രസിഡന്റ് ശ്രീ റജിൻ പാലത്തിങ്കൽ, സ്റ്റാഫ് സെക്രട്ടറി ശ്രീമതി ബബിത കെ.വി, സ്കൂൾ ഹെഡ് ബോയ് മാസ്റ്റർ ഋഷികേശ് ആർ മേനോൻ, ഹെഡ്ഗേൾ കുമാരി വർഷ കെ.എം, സ്റ്റാഫ് പ്രതിനിധികളായ ശ്രീമതി ജിഫി റാഫേൽ, ശ്രീമതി ഫിൻസി റാഫേൽ എന്നിവർ സന്നിഹിതരായിരുന്നു. ദീർഘകാലത്തെ സ്തുത്യർഹമായ സേവനത്തിനുശേഷം സ്കൂളിൽ നിന്നും വിരമിക്കുന്ന അധ്യാപിക ശ്രീമതി സീമ കെ ടോമി, അനധ്യാപകരായ ശ്രീമതി ബിന്ദു അനിലൻ, ശ്രീമതി ഡാലി വിൽസൺ, ശ്രീമതി കുമാരി സുകുമാരൻ, ശ്രീമതി ജോയ്സി ജോസഫ് എന്നിവർക്കുള്ള യാത്രയയപ്പും യഥോചിതം നൽകി. പഠന പാഠ്യേതര, കലാകായിക രംഗങ്ങളിൽ മികവ് തെളിയിച്ച വിദ്യാർത്ഥികളെ പുരസ്കാരങ്ങൾ നൽകി അനുമോദിച്ചു. ‘പഴമയിൽ നിന്ന് പുതുമയിലേക്ക്’ എന്ന ആശയത്തെ മുൻനിർത്തി 800 ഓളം വിദ്യാർത്ഥികൾ അവതരിപ്പിച്ച കലാവിരുന്ന് സദസ്സിന് കുളിർമ പകർന്നു