ഇരിങ്ങാലക്കുട ബാർ അസോസിയേഷൻ സംഘടിപ്പിച്ച അഡ്വക്കേറ്റ് കെ.ആർ.തമ്പാൻ മെമ്മോറിയൽ ഇൻറർ കേരള ബാർ അസോസിയേഷൻ സെവൻസ് ഫുട്ബോൾ ടൂർണമെൻറ് 2025 നവംബർ മാസം 29 -ാം തീയതി മാപ്രാണം KICKSHACK SPORTS ARENA യിൽ ഇരിഞ്ഞാലക്കുട അഡീഷണൽ സെഷൻസ് & ജില്ലാ ജഡ്ജ് എൻ. വിനോദ് കുമാർ ഉദ്ഘാടനം ചെയ്തു. രണ്ട് ഗ്രൂപ്പുകളിലായി നാല് ടീമുകൾ വീതം കേരളത്തിലെ വിവിധ ബാർ അസോസിയേഷനുകളിൽ നിന്നായി 8 ടീമുകൾ പങ്കെടുത്ത ടൂർണമെന്റിൽ
12 ഗ്രൂപ്പ് മത്സരങ്ങളും സെമി ഫൈനൽ ലൂസേഴ്സ് ഫൈനൽ ഫൈനൽ അടക്കം ആകെ 16 മത്സരങ്ങൾക്ക് ഇരിങ്ങാലക്കുട സാക്ഷിയായി. വാശിയേറിയ കാൽപ്പന്തിന്റെ പോരാട്ടത്തിന് കൂടുതൽ ആവേശം ഏറ്റിക്കൊണ്ട് കേരള ഹൈക്കോടതി ജഡ്ജ് ജസ്റ്റിസ് ദേവൻ രാമചന്ദ്രൻ*, ഐസിഎൽ ഫിൻകോർപ് സിഎംഡി അഡ്വക്കേറ്റ് കെ ജി അനിൽകുമാർ എന്നിവർ മുഖ്യാതിഥിയായി എത്തി. ജുഡീഷ്യൽ ഓഫീസേഴ്സ്, അഭിഭാഷകർ, രാഷ്ട്രീയ പ്രമുഖർ, അഡ്വക്കേറ്റ് ക്ലർക്കുമാർ, പൊതുജനങ്ങൾ എന്നിവരുടെ മികച്ച പങ്കാളിത്തം കൊണ്ട് ടൂർണമെന്റ് ശ്രദ്ധേയമായി. വാശിയേറിയ പോരാട്ടത്തിൽ ഒന്നാം സമ്മാനം *അഡ്വക്കേറ്റ് കെ. ആർ. തമ്പാൻ മെമ്മോറിയൽ ട്രോഫിയും 25000 രൂപയും തലശ്ശേരി ബാർ അസോസിയേഷൻ ടീം* കരസ്ഥമാക്കി. രണ്ടാം സമ്മാനം *അഡ്വക്കേറ്റ് E. B. സുരേഷ്ബാബു മെമ്മോറിയൽ ട്രോഫിയും 20000 രൂപയും പെരിന്തൽമണ്ണ ബാർ അസോസിയേഷൻ ടീം* കരസ്ഥമാക്കി, *മൂന്നാം സമ്മാനം അഡ്വക്കേറ്റ് M. C. ചന്ദ്രഹാസൻ മെമ്മോറിയൽ ട്രോഫിയും 15,000 രൂപയും മൂവാറ്റുപുഴ ബാർ അസോസിയേഷൻ ടീം* കരസ്ഥമാക്കി.ടൂർണമെന്റിലെ FAIR PLAY AWARD പെരിന്തൽമണ്ണ ബാർ അസോസിയേഷൻ ലഭിച്ചു
