ആറാട്ടുപുഴ: ആറാട്ടുപുഴ പൂരത്തിന്റെ ആതിഥേയനായ ആറാട്ടുപുഴ ശാസ്താവിന്റെ എഴുന്നെള്ളിപ്പുകള്ക്കാവശ്യമായ ചമയങ്ങള് ഭക്തർ സമർപ്പിച്ചു. തിങ്കളാഴ്ച വൈകുന്നേരം 5.30ന്
പുഷ്പദീപങ്ങളാല് അലങ്കൃതമായ ശാസ്താവിന്റെ തിരുനടയിലായിരുന്നു സമര്പ്പണം. കോലം, പട്ടുകുടകള്, ചൂരപ്പൊളി നെറ്റിപ്പട്ടങ്ങള്, വക്കകൾ, മണിക്കൂട്ടങ്ങള്, ആലവട്ടം, ചാമരം എന്നിവയും തിരുവുടയാട, ഓണപ്പുടവകൾ, നെയ്യ്, കെെപ്പന്തത്തിനുവേണ്ടതായ വെളിച്ചെണ്ണ, എള്ളെണ്ണ, മറ്റു ദ്രവ്യങ്ങള് എന്നിവയും ശാസ്താവിന് സമര്പ്പിച്ചു.
കുടയുടെ ഒറ്റല് പെരുമ്പിളളിശ്ശേരി സ്മിതേഷ് ശശിധരനാണ് നിർമ്മിച്ചത് . സ്വര്ണ്ണം മുക്കല് ചേര്പ്പ് കെ.എ. ജോസും തുന്നൽ തൃശ്ശൂര് വി.എന്. പുരുഷോത്തമനും മണിക്കൂട്ടം മിനുക്കിയതിൽ പെരിങ്ങാവ് ഗോള്ഡിയുടെ രാജനും ആലവട്ടം, ചാമരം എന്നിവ ഒരുക്കിയതിൽ കുറ്റുമുക്ക് ചാത്തനാത്ത് രാംകുമാറും ചുമതലക്കാരാണ്.
