ഇരിങ്ങാലക്കുട നഗരസഭയ്ക്ക് പുതിയ വൈസ് ചെയർമാൻ. നഗരസഭ ആറാം വാർഡ് കൗൺസിലർ ബൈജു കുറ്റിക്കാടൻ ആണ് പുതിയ വൈസ് ചെയർമാൻ ആയി തിരഞ്ഞെടുക്കപ്പെട്ടത്. മുൻ വൈസ് ചെയർമാൻ ടി വി ചാർളി രാജി വെച്ചതിനെ തുടർന്നാണ് പുതിയ വൈസ് ചെയർമാനെ തിരഞ്ഞെടുത്തത്. ശനിയാഴ്ച്ച രാവിലെ കൗൺസിൽ ഹാളിൽ നടന്ന തിരഞ്ഞെടുപ്പ് പ്രക്രിയയിൽ യു ഡി എഫ് സ്ഥാനാർത്ഥായി ബൈജു കുറ്റിക്കാടനെ ടി വി ചാർളി നാമനിർദേശം ചെയ്തു പി ടി ജോർജ്ജ് പിൻതാങ്ങി. എൽ ഡി എഫ് സ്ഥാനാർത്ഥായായി നാലാം വാർഡ് കൗൺസിലർ അൽഫോൺസാ തോമസിനെ കെ.ആർ വിജയ നാമനിർദ്ദേശം ചെയ്തു. ജിഷ ജോബി പിൻതാങ്ങി.ബി ജെ പി അംഗങ്ങൾ തിരഞ്ഞെടുപ്പിൽ നിന്നും വിട്ട് നിന്നു. തുടർന്ന് നടന്ന വോട്ടെടുപ്പിൽ 16 ന് എതിരെ 17 വോട്ടുകൾക്ക് യു ഡി എഫ് സ്ഥാനാർത്ഥി ബൈജു കുറ്റിക്കാടൻ വൈസ് ചെയർമാനായി തിരഞ്ഞെടുക്കപ്പെട്ടു. ഡെപ്യൂട്ടി കളക്ടർ കെ ശാന്തകുമാരി വരണാധികാരിയായിരുന്നു. പുതിയ വൈസ് ചെയർമാൻ ആയി തിരഞ്ഞെടുക്കപ്പെട്ട ബൈജു കുറ്റിക്കാടനെ അനുമോദിക്കാൻ നിരവധി പേർ നഗരസഭയിൽ എത്തി ചേർന്നിരുന്നു
ഇരിങ്ങാലക്കുട നഗരസഭയുടെ പുതിയ വൈസ് ചെയർമാനായി ബൈജു കുറ്റിക്കാടൻ (UDF) തിരഞ്ഞെടുക്കപ്പെട്ടു
