കാലിക്കറ്റ് യൂണിവേഴ്സിറ്റി ഡി സോൺ കലോത്സവം എസ് എഫ് ഐ കെ എസ് യു ക്രിമിനലുകളുടെ സംഘർഷം- സാധാരണ വിദ്യാർത്ഥികൾക്ക് പൂർണ്ണ സംരക്ഷണമൊരുക്കും ബിജെപി.
ഇരിങ്ങാലക്കുട: മാളയിൽ നടന്ന കാലിക്കറ്റ് യൂണിവേഴ്സിറ്റി ഡി സോൺ കലോത്സവ സമയത്ത് SFI KSU സംഘടനാ ക്രിമിനലുകൾ നടത്തിയ രൂക്ഷമായ സംഘട്ടനം മറ്റ് സാധാരണ വിദ്യാർത്ഥിനി വിദ്യാർത്ഥികൾക്കും രക്ഷിതാക്കൾക്കും വളരെയേറെ ബുദ്ധിമുട്ടുളവാക്കുന്നതാണ്. ഇവർക്ക് സംരക്ഷണ മൊരുക്കുമെന്ന് ബിജെപി തൃശൂർ സൗത്ത് ജില്ലാ പ്രസിഡണ്ട് എ ആർ ശ്രീകുമാർ പറഞ്ഞു.
പോലീസ് ശക്തമായ നടപടികൾ എടുക്കണമെന്നും കെ എസ് യു എസ് എഫ് ഐ കലാപഭൂമിയാക്കാനുള്ള ശ്രമം അവസാനിപ്പിക്കണമെന്നും ബിജെപി ആവശ്യപ്പെട്ടു.
ഇവരുടെ മാടമ്പിത്തരം കാരണം സാധാരണ വിദ്യാർത്ഥികളും രക്ഷിതാക്കളും ഭയവിഹ്വലരാണെന്നും ആവശ്യമെങ്കിൽ ഇവർക്ക് പൂർണ്ണ സംരക്ഷണം കൊടുക്കാൻ ഏതറ്റം വരെയും പോകുമെന്നും അദ്ദേഹം പറഞ്ഞു.
ഇരിങ്ങാലക്കുട കലാക്ഷേത്രയിൽ നടന്ന സൗത്ത് ജില്ലാ നേതൃയോഗത്തിൽ പ്രസിഡണ്ട് എ ആർ ശ്രീകുമാർ അദ്ധ്യക്ഷത വഹിച്ചു.പാർട്ടി നേതാക്കളായ സന്തോഷ് ചെറാക്കുളം,കൃപേഷ് ചെമ്മണ്ട,കെ പി ഉണ്ണികൃഷ്ണൻ,കെ പി അനിൽകുമാർ,കെ ആർ സുരേഷ്,ലോചനൻ അമ്പാട്ട്,കവിതാ ബിജു എന്നിവർ സംസാരിച്ചു.
