കണക്കൻ കുളം കയർഭൂവസ്ത്രം വിരിച്ചു നവീകരിച്ചു

കേരളത്തിന്റെ സുവർണ്ണ നാരായ കയർ വലപ്പായ ഉപയോഗിച്ച് വർഷങ്ങളായി ഉപയോഗശൂന്യമായി കിടന്നിരുന്ന കുളം അയ്യങ്കാളി തൊഴിലുറപ്പ് തൊഴിലാളികൾ കഠിനാധ്വാനത്തിലൂടെ വൃത്തിയാക്കിയാണ് കയർ വസ്ത്രം വിരിച്ച് മനോഹരമാക്കിയത്. ഈ പ്രവർത്തിയിലൂടെ പ്രകൃതിദത്തമായി ജലാശയങ്ങളെ സംരക്ഷിക്കുന്നു ഇതിലൂടെ മണ്ണിലേക്ക് അരിച്ചിറങ്ങുന്ന വെള്ളം ഭൂമിയിലെ ജലനിരപ്പ് കൂട്ടാൻ സഹായിക്കുന്നു, കൂടാതെ മണ്ണൊലിപ്പ് തടയുന്നു. പ്രകൃതിയെ ചൂഷണം ചെയ്യാതെയുള്ള ജലസ്രോതസ്സുകളുടെ സംരക്ഷണ മാർഗങ്ങളിൽ ഒന്നാണ് കയർ വസ്ത്രം വിരിക്കൽ പ്രവർത്തി. ഈ പ്രവർത്തിക്കായി 145,000 രൂപ അടക്കൽ തുകയും 227 തൊഴിൽ ദിനങ്ങളും വിനിയോഗിച്ചു. തൃശ്ശൂർ ജില്ലയിലെ നഗരസഭയിൽ വച്ച് ഈ പ്രവർത്തി നടപ്പിലാക്കിയ ആദ്യത്തെ നഗരസഭയാണ് ഇരിങ്ങാലക്കുട നഗരസഭ. ഇരിഞ്ഞാലക്കുട നഗരസഭയുടെ ഇത്തരത്തിലുള്ള രണ്ടാമത്തെ പ്രവർത്തിയാണ് ഇപ്പോൾ പൂർത്തീകരിച്ചിരിക്കുന്നത്.

ഈ പ്രവർത്തിയുടെ ഉദ്ഘാടനം ബഹു നഗരസഭ ചെയർപേഴ്സൺ ശ്രീമതി മേരിക്കുട്ടി ജോയ് നിർവഹിച്ചു. നഗരസഭാ വൈസ് ചെയർമാൻ ശ്രീ ബൈജു കുറ്റിക്കാടൻ അധ്യക്ഷത വഹിച്ചു, സ്റ്റാൻഡിങ് കമ്മിറ്റി അധ്യക്ഷൻ മാരായ ശ്രീ സി സി ഷിബിൻ, ഫെനി എബിൻ, ശ്രീ ജെയ്സൺ

പാറെക്കാടൻ,നഗരസഭ സെക്രട്ടറി ഷാജിക്ക് MH എന്നിവർ ആശംസകൾ അറിയിച്ചു സംസാരിച്ചു, കയർ ഇൻസ്‌പെക്ടർ ശ്രീമതി പ്രിയ PK റിപ്പോർട്ട്‌ അവതരിപ്പിച്ചു. വാർഡ് കൗൺസിലർ ശ്രീ അജിത്കുമാർ സ്വാഗതവും തൊഴിലുറപ്പ് ഉദ്യോഗസ്ഥൻ ശ്രീ സിജിൻ TS നന്ദിയും പറഞ്ഞു. ചടങ്ങിൽ നഗരസഭ കൗൺസിലർമാരായ ശ്രീ മതി ലേഖ, ശ്രീ ബിജു പോൾ, ശ്രീ ജസ്റ്റിൻ തൊഴിലുറപ്പ് തൊഴിലാളികൾ, പ്രദേശവാസികൾ പങ്കെടുത്തു