ആളൂർ : പോട്ട – മൂന്നുപീടിക സംസ്ഥാനപാതയിലെ വല്ലക്കുന്ന് വളവിൽവെച്ച് ബൈക്കപകടത്തിൽ പുല്ലൂർ സ്വദേശികളായ രണ്ട് യുവാക്കൾക്ക് പരിക്കേറ്റു. കുന്നത്ത് പറമ്പിൽ അതുൽ (19), ചേനത്തു പറമ്പിൽ വിഗ്നേഷ് (17) എന്നിവർക്കാണ് ഗുരുതരമായി പരിക്കേറ്റത്. ഇരുവരും ന്യൂറൊ തീവ്രപരിചരണ വിഭാഗത്തിൽ ചികിത്സയിലാണ്. ബുധനാഴ്ച രാത്രി 10.45-ഓടെയാണ് അപകടം.റോഡിൽനിന്ന് തെന്നിമാറി സ്വകാര്യ വ്യക്തിയുടെ പറമ്പിന്റെ അതിർത്തിയിൽ നിൽക്കുന്ന മരത്തിൽ ബൈക്ക്‌ ഇടിച്ചു. ഈ വളവിൽ ഇടയ്‌ക്കിടെ അപകടമുണ്ടാകുന്നുണ്ടെന്ന് സമീപവാസികൾ പറഞ്ഞു. ഈ വർഷം മാത്രം പത്തിലേറെ അപകടങ്ങളാണുണ്ടായത്. വളവിനോടുചേർന്ന ഇറക്കം വാഹനങ്ങളുടെ വേഗം കൂട്ടുന്നതോടൊപ്പം ലോറി ഉൾപ്പെടെ വലിയ വാഹനങ്ങൾ വളവിൽ മറികടക്കാൻ ശ്രമിക്കുന്നതും അപകടഭീഷണി ഉയർത്തുന്നു. ഇവിടെ എതിർദിശയിൽനിന്ന് വരുന്ന വാഹനങ്ങൾ കാണാൻ കഴിയില്ല
ബൈക്കപകടത്തിൽ രണ്ട് യുവാക്കൾക്ക് പരിക്കേറ്റു
