വെള്ളാങ്ങല്ലൂര്‍: ജില്ലയിലെ മികച്ച സംരംഭ സൗഹൃദപഞ്ചായത്തായി വെള്ളാങ്ങല്ലൂര്‍ പഞ്ചായത്ത് തിരഞ്ഞെടുക്കപ്പെട്ടു. 2022- 23 സംരംഭ വർഷത്തിൽ 161 വ്യവസായ സംരംഭങ്ങൾ ആരംഭിക്കാൻ വെള്ളാങ്ങല്ലൂർ പഞ്ചായത്തിന് കഴിഞ്ഞു. ഇതിലൂടെ 4.57 കോടി നിക്ഷേപവും 317 തൊഴിലവസരങ്ങളും സൃഷ്ടിച്ചു. 2023- 24 സംരംഭ വർഷത്തിൽ ലക്ഷ്യമിട്ട 94 വ്യവസായ യൂണിറ്റുകളിൽ 100% വ്യവസായ യൂണിറ്റുകളും ഇതിനോടകം തന്നെ പൂർത്തീകരിച്ചു. പഞ്ചായത്തിനു വേണ്ടി മന്ത്രി പി.രാജീവിൽ നിന്ന് പ്രസിഡൻ്റ് എം.എം. മുകേഷ്, വൈസ് പ്രസിഡൻ്റ് ഫസ്ന റിജാസ്, സ്ഥിരം സമിതി അധ്യക്ഷ സിന്ധു ബാബു എന്നിവർ ചേർന്ന് പുരസ്കാരം ഏറ്റുവാങ്ങി.
വെള്ളാങ്ങല്ലൂര്‍ പഞ്ചായത്ത് ജില്ലയിലെ മികച്ച സംരഭക സൗഹാര്‍ദ്ദ പഞ്ചായത്ത്
