ഇരിങ്ങാലക്കുട ഗവ.എൽ പി സ്കൂളിന്റെ വാർഷികവും അദ്ധ്യാപക രക്ഷാകർത്തു ദിനവും UKG കോൺവൊക്കേഷനും ബഹു ഉന്നതവിദ്യാഭ്യാസ സാമൂഹ്യനീതി വകുപ്പുമന്ത്രി ഡോ. ആർ ബിന്ദു നിർവ്വഹിച്ചു.വിവിധ മേഖലകളിൽ പ്രഗത്ഭരായ അനേകം പൂർവ്വവിദ്യാർത്ഥികളുടെ ചരിത്രത്തിൽ നിന്നും ഊർജ്ജം ഉൾക്കൊണ്ട് മു മുന്നേറാൻ ബിന്ദു ടീച്ചർ ആഹ്വാനം ചെയ്തു. സ്കൂളിനുള്ള സഹായവാഗ്ദാനവും മന്ത്രി പ്രഖ്യാപിച്ചു. നഗരസഭ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ അഡ്വ. ജിഷ ജോബി അദ്ധ്യക്ഷത വഹിച്ച യോഗത്തിൽ സ്റ്റാൻഡിംഗ് കമ്മിറ്റി ചെയർമാൻമാരായ സി.സി. ഷിബിൻ, അംബിക പള്ളിപ്പുറത്ത് , വാർഡ് കൗൺസിലർ ഒ.എസ് അവിനാഷ് , എ ഇ ഒ ഡോ.എം.സി നിഷ, ബിന്ദു.പി.ജോൺ,ഉഷ പി.ആർ , ധന്യ കെ.ആർ, ദിവ്യ ഗിരീഷ് , ഐശ്വര്യ വിപിൻദാസ്,ഡോ. സോണിയ വിശ്വം , ലാജി വർക്കി , നിത്യ ടി.എൻ , വിനിത എസ് ആർ, മാസ്റ്റർ ദിഷാൻ എം ഡി തുടങ്ങിയവർ സംസാരിച്ചു. ഹെഡ്മിസ്ട്രസ് പി.ബി അസീന സ്വാഗതവും പിടിഎ പ്രസിഡണ്ട് വിൻസി എം.വി നന്ദിയും പറഞ്ഞു.

ഇരിങ്ങാലക്കുട ഈസ്റ്റ് കോമ്പാറ ചിറ്റിലപ്പിള്ളി തൊമ്മാന വിന്നി ജോൺ ഭാര്യ ബീന( 54 വയസ്സ് )നിര്യാതയായി. സംസ്കാരകർമ്മം 2024 ഫെബ്രുവരി 13 ചൊവ്വാഴ്ച രാവിലെ 11. 30ന് ഇരിങ്ങാലക്കുട സെന്റ് തോമസ് കത്തീഡ്രൽ സെമിത്തേരിയിൽ വെച്ച് നടക്കും. മക്കൾ :റോസ്, റിച്ചാർഡ്

നിര്യാതനായി

സ്ഥലം: കാട്ടൂർ SNDP തളിയപറമ്പിൽ ഉണ്ണീരി മകൻ സുന്ദരൻ (94വയസ്സ്) ഇന്ന്, 11 02 2024 വൈകീട്ട് 5:15ന് നിര്യാതനായി. ഭാര്യ: ചന്ദ്രിക മക്കൾ: ഷീജ, സീമ, അമ്പിളി മരുമക്കൾ: കാർത്തികേയൻ, രഞ്ജിത്ത് സിങ്ങ്, ലോഹിദാക്ഷൻ സംസ്കാരകർമ്മം നാളെ രാവിലെ 11 […]

തൃശൂരിലെ സി.പി.ഐയിൽ അസാധാരണ സാഹചര്യം: ചേർപ്പ് ലോക്കൽ കമ്മിറ്റി സെക്രട്ടറി അടക്കം നേതാക്കളുടെ കൂട്ടരാജി. 14 അംഗ ലോക്കൽ കമ്മിറ്റിയിലെ എട്ട് പേരാണ് പാർട്ടി നേതൃത്വത്തിന് രാജി നൽകിയത്. ചേർപ്പ് ലോക്കൽ സെക്രട്ടറിയും മണ്ഡലം കമ്മിറ്റി അംഗവുമായ എൻ.ജി അനിൽനാഥ് അടക്കമുള്ള സി.പി.ഐ ലോക്കൽ കമ്മിറ്റി അംഗങ്ങളാണ് രാജികത്ത് ജില്ല സെക്രട്ടറിക്ക് കൈമാറിയത്. സി.പി.ഐ ലോക്കൽ കമ്മിറ്റി അംഗവും എ.ഐ.വൈ.എഫ് മേഖല പ്രസിഡന്റുമായ ഷംനാസ് ഹുസൈൻ, ലോക്കൽ കമ്മിറ്റി അംഗങ്ങളായ സന്തോഷ് തെക്കൂട്ട്, മുൻ ഗ്രാമപഞ്ചായത്ത് അംഗം ദിനേഷ് തെക്കത്ത്, ഇപ്റ്റ മണ്ഡലം വൈസ് പ്രസിഡന്റും യുവകലാസാഹിതി മണ്ഡലം എക്സി.അംഗവുമായ ബാബു ചെങ്ങാലൂർ, പടിഞ്ഞാട്ടുമുറി ബ്രാഞ്ച് സെക്രട്ടറി കെ.എ റഫീഖ്, എ.ഐ.എസ്.എഫ് മേഖല പ്രസിഡൻ്റ് കെ.എസ് നിഷാദ് എന്നിവരാണ് രാജിവെച്ചത്. രണ്ട് വർഷത്തോളമായി മണ്ഡലം സെക്രട്ടറി പി.വി. അശോകന്റെയും ജില്ല അസി. സെക്രട്ടറി ടി.ആർ. രമേശ് കുമാറിന്റെയും നേതൃത്വത്തിൽ പാർട്ടി സംഘടന വിരുദ്ധ പ്രവർത്തനങ്ങളും വിഭാഗീയത പ്രവർത്തനങ്ങളും പാർട്ടി പ്രവർത്തകരിൽ അടിച്ചേൽപ്പിച്ച് ഏകാധിപത്യ പ്രവണതയോടെയാണ് മുന്നോട്ട് പോകുന്നതെന്ന് സി.പി.ഐ പ്രവർത്തകർ പറഞ്ഞു. സി.സി. മുകുന്ദൻ എം.എൽ.എയുടെ പി.എയും സി.പി.ഐ ചേർപ്പ് ലോക്കൽ കമ്മിറ്റി അംഗവുമായ അസ്ഹർ മജീദിനെ മണ്ഡലം സി.പി.ഐയിൽ നിന്ന് പുറത്താക്കിയിരുന്നു. വരും ദിവസങ്ങളിൽ കൂടുതൽ പേർ രാജിവെക്കുമെന്ന് അനിൽ നാഥ് പറഞ്ഞു.